Personvernerklæring

PocketID har to ulike roller når vi behandlar personopplysningar. For nettsidene våre og for kontakten vår med kundar og leverandørar er vi behandlingsansvarleg – det er denne behandlinga denne erklæringa handlar om. For opplysningane om elevar i PocketID-appen er vi databehandlar på vegner av skuleeigaren, sjå punkt 2. All behandling skjer i samsvar med gjeldande personvernregelverk, medrekna personopplysningslova og EU si personvernforordning (GDPR).

1. Behandlingsansvarleg og kontaktinformasjon

PocketID AS er behandlingsansvarleg for behandlinga av personopplysningar som er skildra i punkt 3–8 i denne erklæringa.

2. PocketID som databehandlar – elevdata i appen

2.1 Rolledelinga: skuleeigaren er ansvarleg

Når skular, kommunar og fylkeskommunar tek i bruk PocketID, er det skuleeigaren som er behandlingsansvarleg for opplysningane om elevane – til dømes namn, bilete, klasse og skule, og data knytt til skulebevis, mobile nøklar, skuleskyss, bibliotekkort og samtykke. PocketID behandlar desse opplysningane berre som databehandlar: på vegner av kunden, etter dokumentert instruks, og aldri til eigne føremål.

2.2 Databehandlaravtale styrer behandlinga

Behandlinga av elevdata er regulert av ein databehandlaravtale med kvar enkelt kunde. Avtalen stiller krav til informasjonstryggleik, konfidensialitet, sletting og bruk av underleverandørar. Nøyaktig kva opplysningar som vert behandla, og kor lenge dei vert lagra, avheng av kva tenester kunden har teke i bruk, og følgjer av avtalen med den enkelte kunden. Skuleeigaren har si eiga personvernerklæring overfor elevar og føresette som gjer greie for dette.

2.3 Underdatabehandlarar og lagring

Der vi nyttar underdatabehandlarar, til dømes til drift og datalagring, er desse bundne av avtalar med same krav til tryggleik og konfidensialitet som vi sjølve er underlagde. Elevdata vert lagra innanfor EU/EØS. Oversikt over underdatabehandlarane våre er tilgjengeleg for kundane, og vi varslar kundane før vi byter eller legg til underdatabehandlarar, i tråd med databehandlaravtalen.

2.4 Rettane dine som elev eller føresett

Vil du ha innsyn i, rette eller slette opplysningar i PocketID-appen, rettar du førespurnaden til skulen eller kommunen din, som er behandlingsansvarleg. Vi hjelper kundane våre med å svare på slike førespurnader så raskt som mogleg. Får vi ein førespurnad direkte frå ein elev eller føresett, sender vi han vidare til rett behandlingsansvarleg.

3. Kva vi behandlar som behandlingsansvarleg

For behandlinga nedanfor er det PocketID AS sjølv som bestemmer føremål og middel, og som dermed er behandlingsansvarleg.

3.1 Kontaktpersonar hos kundar og leverandørar

Vi behandlar kontaktinformasjon om kontaktpersonar hos eksisterande og potensielle kundar og leverandørar – typisk namn, stilling, e-postadresse og telefonnummer. Grunnlaget er den rettkomne interessa vår i å drive innkjøp, sal og marknadsføring, og i å dokumentere verksemda (GDPR artikkel 6 nr. 1 bokstav f). Opplysningane vert lagra så lenge det er nødvendig for desse føremåla.

3.2 Kontakt med andre

Når nokon tek kontakt med oss, til dømes på e-post, telefon eller via brukarstøtta, behandlar vi opplysningar som følgjer av førespurnaden. Grunnlaget er den rettkomne interessa vår i å svare på og dokumentere kommunikasjonen. Opplysningane vert normalt sletta om lag eitt år etter at kontakten er avslutta.

3.3 Bruk av nettsidene

Nettsidene pocketid.no set ikkje informasjonskapslar og brukar ikkje analyse- eller sporingsverktøy. Sjå punkt 8.

Nettsidene vert drifta hos ein ekstern hostingleverandør med serverar innanfor EU/EØS, som er bunden av databehandlaravtale. Som på dei fleste nettstader vert besøk registrerte i vanlege serverloggar, mellom anna med IP-adresse og tidspunkt. Loggane vert berre brukte til drift, feilsøking og tryggleik, med grunnlag i den rettkomne interessa vår i å halde nettsidene stabile og sikre (GDPR artikkel 6 nr. 1 bokstav f). Utover dette samlar vi ikkje inn personopplysningar om deg når du besøkjer sidene.

4. Utlevering og overføring av personopplysningar

PocketID deler ikkje personopplysningar med andre, med mindre det følgjer av lov eller avtale. Databehandlarane våre er bundne av databehandlaravtalar med krav til informasjonstryggleik. Overføring av personopplysningar til land utanfor EU/EØS skjer berre til land som EU-kommisjonen har godkjent, eller på grunnlag av gyldige overføringsmekanismar som EU sine standard personvernavtalar (SCC) eller EU-US Data Privacy Framework.

5. Behandling og lagringstid

Vi lagrar personopplysningar så lenge det er nødvendig for føremålet dei vart samla inn for, og slettar dei i tråd med krava i regelverket. I nokre tilfelle kan opplysningane i staden verte anonymiserte, slik at dei ikkje lenger kan knytast til ein enkeltperson.

6. Rettane dine

Rettane nedanfor gjeld behandlinga der PocketID er behandlingsansvarleg (punkt 3). Gjeld førespurnaden opplysningar i PocketID-appen, skal han rettast til skulen eller kommunen din, sjå punkt 2.4.

6.1 Innsyn, retting og sletting

Du kan be om innsyn i kva opplysningar vi har registrert om deg, og be om at feil vert retta eller at opplysningar vert sletta. Vi svarar på førespurnader seinast innan 30 dagar. For å sikre at opplysningane ikkje vert utleverte til feil person, kan vi be deg stadfeste identiteten din.

6.2 Rett til å protestere og krevje avgrensing

Du kan krevje at behandlinga vert avgrensa dersom du meiner opplysningane er feil, at behandlinga er ulovleg, at vi ikkje lenger treng opplysningane, eller medan ein protest etter artikkel 21 i GDPR er til vurdering.

6.3 Dataportabilitet

Opplysningar som vert behandla automatisk på grunnlag av samtykke eller avtale, kan du be om å få utlevert i eit strukturert, vanleg brukt og maskinlesbart format.

6.4 Automatiserte avgjerder

Vi tek ikkje automatiserte avgjerder som nemnt i artikkel 22 nr. 1 og 4 i GDPR på grunnlag av personopplysningane dine.

6.5 Rett til å klage

Dersom du meiner behandlinga vår av personopplysningar er i strid med regelverket, kan du klage til Datatilsynet. Sjå www.datatilsynet.no (opnar i ny fane) for kontaktinformasjon og meir om klageretten.

7. Endringar i erklæringa

Ved endringar i denne personvernerklæringa vil oppdatert versjon verte publisert her på nettsidene. Ved vesentlege endringar kan vi òg varsle kjende kontaktar direkte.

8. Informasjonskapslar (cookies)

Nettsidene pocketid.no set ingen informasjonskapslar og brukar ingen analyse-, annonse- eller sporingsverktøy. Alle ressursar på sidene, som skrifter og bilete, vert lasta frå våre eigne sider, og ingen opplysningar om besøket ditt vert delte med tredjepartar.

Sidene lenkjer til eksterne tenester, til dømes møtebooking (Google Kalender) og brukarstøtteportalen vår på support.pocketid.no. Når du følgjer ei slik lenkje, gjeld personvernvilkåra til den tenesta du kjem til.

Dersom vi seinare tek i bruk informasjonskapslar eller analyseverktøy, vil vi oppdatere denne erklæringa – og innhente samtykke der regelverket krev det.